[ad_1]

• IPL 2024 માટે તમામ ટીમોએ તૈયારીઓ શરૂ કરી દીધી છે
• BCCIએ રિષભ પંતને ફિટ વિકેટકીપર બેટ્સમેન જાહેર કર્યો
  
• દિલ્હી કેપિટલ્સે કેપ્ટન રિષભ પંતનું અનોખી રીતે સ્વાગત કર્યું
  

IPL 2024 માટે તમામ ટીમોએ તૈયારીઓ શરૂ કરી દીધી છે. ચાહકો લાંબા સમયથી આ ટૂર્નામેન્ટની રાહ જોઈ રહ્યા છે, જ્યારે રિષભ પંતની વાપસીની હજુ વધુ રાહ જોવાઈ રહી છે. જે એક વર્ષથી વધુ સમયથી ક્રિકેટથી દૂર છે. ડિસેમ્બર 2022માં કાર અકસ્માતને કારણે તેણે લાંબો બ્રેક લેવો પડ્યો હતો. પરંતુ હવે તેને આગામી ઈન્ડિયન પ્રીમિયર લીગની 17મી સિઝનમાં રમવા માટે BCCI દ્વારા ફિટ જાહેર કરવામાં આવ્યો છે. તે દિલ્હી કેપિટલ્સનું નેતૃત્વ કરશે અને વિકેટકીપર-બેટ્સમેન તરીકે પણ રમશે. આ દરમિયાન પંત ટીમના ટ્રેનિંગ કેમ્પમાં જોડાઈ ગયો છે અને પોતાની ટીમ માટે રમવા તૈયાર છે.

દિલ્હી કેપિટલ્સે પંતનું સ્વાગત કર્યું

BCCIએ તેને ફિટ જાહેર કર્યો અને ટ્વિટર પર સમાચાર પોસ્ટ કર્યા ત્યારથી, તમામ ફ્રેન્ચાઈઝીઓએ ભાવનાત્મક સંદેશાઓ સાથે મેદાન પર ક્રિકેટરનું સ્વાગત કર્યું છે અને 22 માર્ચથી શરૂ થનારી IPL 2024માં તેને એક્શનમાં જોવા માટે આતુર છે. આ દરમિયાન દિલ્હી કેપિટલ્સે તેમના કેપ્ટન પંતનું અનોખી રીતે સ્વાગત કર્યું છે અને સોશિયલ મીડિયા પર એક ઈમોશનલ વીડિયો શેર કર્યો છે.

જેમાં એક બાળક દ્વારા તેમને એક ખાસ જર્સી મોકલવામાં આવી છે, જેમાં લખ્યું છે કે, “તમને બહુ મિસ કર્યા.” તેનો વીડિયો સોશિયલ મીડિયા પર વાયરલ થયો છે કારણ કે ફેન્સ યુવા ખેલાડીની વાપસી જોવા માટે ઉત્સાહિત છે.

પંત રમી શકે છે T20 વર્લ્ડકપ

ડિસેમ્બર 2022 પછી પ્રથમ વખત રિષભ પંત 23 માર્ચે ચંદીગઢના મુલ્લાનપુરમાં મહારાજા યાદવેન્દ્ર સિંહ આંતરરાષ્ટ્રીય ક્રિકેટ સ્ટેડિયમમાં મોહાલીમાં પંજાબ કિંગ્સ સામે મેદાનમાં ઉતરશે. બધાની નજર તેના પર રહેશે કારણ કે BCCI સેક્રેટરી જય શાહે પણ કહ્યું છે કે જો તે સારૂ પ્રદર્શન કરશે તો તેની T20 વર્લ્ડકપમાં જગ્યા બનાવવાની સંભાવના છે. શાહે બીસીસીઆઈ દ્વારા તેને ફિટ જાહેર કરવાના એક દિવસ પહેલા મીડિયાને કહ્યું હતું કે પંત સારી બેટિંગ કરી રહ્યો છે, સારી કીપિંગ કરી રહ્યો છે – અમે તેને ટૂંક સમયમાં ફિટ જાહેર કરીશું – જો તે અમારા માટે T20 વર્લ્ડ કપ રમી શકે છે, તો આ એક મોટી વાત હશે. જો તે કીપિંગ કરી શકશે તો તે વર્લ્ડકપ રમી શકશે, હવે જોવાનું એ રહે છે કે તે IPLમાં કેવું પ્રદર્શન કરે છે.

[ad_2]

Source link